Confesión

Confesión

Eu creo na muller todopoderosa
que padece baixo a razón de tipos
coma Poncio Pilatos
precursora de ceo e terra
Creo na súa forza que procede
de todo o visíbel e invisíbel
Na que pola nosa culpa foi asasinada
e viviu sendo maltratada
Creo na que non cree
e fai camiño
na que a diario loita
porque o seu reino non terá fin
Eu creo neste tempo
máis que nunca, nas raíñas
que non traerán
descendentes non desexados
a este mundo…
por máis que nos doia

Raquel Pazos Garrido (Vigo. Galiza)
Blog pessoal: auga nos labios. http://raquelpazosgarrido.blogspot.com.es/
(Públicado em Elipse núm. 3)